2 օր Սյունիքում

 X դարից Սյունիքի լեռներում վեր խոյացող կարմիր գմբեթավոր Վահանավանք վանական համալիրը 1111 տարեկան է և գտնվում են Սյունիքի թագավորության իշխանների և թագավորների գերեզմանները։

 IV-րդ դարում կառուցված Տաթևի վանական համալիրը կարողացել է դիմադրել թաթար-մոնղոլ նվաճող Լենկթեմուրի ասպատակությունները և դառնալ Սյունյաց աշխարհի տպավորիչ վանական հուշարձաններից մեկը։

Գորիս քաղաքը գտնվում է Սյունիքի մարզում։ Գորիսը հիմնադրվել է 1870 թվականին՝ որպես Ելիզավետպոլի նահանգի Զանգեզուր գավառի կենտրոն։ Քաղաքի կոչում է ստացել 1885 թվականին Ռուսական Կայսրության կողմից։ Քաղաքի արևելյան մասում է գտնվում Հին Գորիսը (Կյորես) կամ Գորիս գյուղը՝ քարանձավային բնակավայրերի մի ամբողջ շարք։ Գորիսում գտնվում է Ակսել բակունցի տուն-թանգարանը, Գորիսի պատկերասրահը, Գորիսի երկրագիտական թանգարանը և բազմաթիվ պատմակրոնական հուշարձաններ։

 1000 թվականին Սյունյաց թագուհի Շահանդուխտի կողմից հիմնադրված Որոտնավանքը հայտնի է եղել օձի խայթոցը բուժելու զորությամբ։

Սիսավանքը նվիրված է եղել Գրիգոր Լուսավորչին և ըստ XIII դ. պատմիչ Ստեփանոս Օրբելյանի` հիմնադրվել է Սյունյաց Վարազդուխտ իշխանուհու կողմից 520-530թթ։

Սյունիքում գտնվող մեգալիթյան հուշարձանները՝ Զորաց քարերը զարմացնում են իրենց խորհրդավորությամբ և մինչև օրս բազմաթիվ գիտնականներ փորձել են հասկանալ, թե որոշակի դասավորությամբ ուղղահայաց կանգնեցված տասնյակ քարերի մի համալիրը ինչ գաղտնիքներ ունի։

Արենի գյուղը գտվում է Հայաստանի վայոց Ձորի մարզում։ Համայնքի վարչական տարածքում է գտնվում միջազգային նշանակության հուշարձան Նորավանքի համալիրը։ Բազմաթիվ են նաև բնության հուշարձանները՝ ժայռեր, ջրվեժներ, անդնդախոր ձորեր։ 2004 թվականից ի վեր, հոկտեմբեր ամսին Արենի գյուղում կազմակերպվում է գինու փառատոն և այն համարվում է գինու համտեսի նշանավոր վայրերից մեկը։