Խուճապի չմատնվել թռիչքների հետաձգման կամ ուշացումների հետ կապված։
Դուրս չգալ օդանավակայանից, եթե ունեք տրանզիտ թռիչք և սահմանափակ ժամանակ գրանցվելու համար։
Կրել անձը հաստատող փաստաթղթերը և հյուրանոցի կոնտակտային համարները դուրս գալիս։
Զգուշանալ օգտագործել սնունդ և խմիչքներ կասկածելի վայրերից։
Խուսափել վտանգավոր տեղանքներից։ Խուսափել լողալ կեղտոտ կամ անծանոթ ջրամբարներում կամ արագահոս գետերում։ Զգուշանալ շփվել կասկածելի անձանց հետ կամ նրանց տրամադրել Ձեր իրերը։
Խուսափել պատահական տրանսպորտային միջոցներ նստելուց։ Օգտվել հանրային տրանսպորտից կամ վստահել և հայտնի տաքսի ծառայություններից։
Հավաստիանալ, որ անձնական իրերը պայուսակում ապահով տեղավորված են։ Միշտ փակ պահել պայուսակը, որը տեղափոխում եք տրանսպորտով կամ կրում եք Ձեր ձեռքին։
Խուսափել կրել կամ տեղափոխել թանկարժեք իրեր զբոսաշրջության երթուղիների ընթացքում կամ զբոսնելիս։
Պահել անձնական իրերը ուշադրության կենտրոնում կամ տեղաշարժվելիս անպայման վերցնել, երբ գտնվում եք հանրային վայրերում՝ խանութներում, օդանավակայանում, ռեստորաններում, կամ այլ մարդաշատ վայրերում: Ծայրահեղ անհրաժեշտության դեպքում վստահել դրանք միայն երթուղու զբոսավարին, ուղեկցորդին կամ Ձեր վստահելի այլ անձանց։
Խուսափել պահել իրերը տաբատի հետևի գրպանում։ Օգտագործել պայուսակներ պաշտպանիչ կոդերով։
Չվստահել անձնական տվյալներ պարունակող փաստաթղթերը (անձնագիր, վարորդական իրավունք և այլն) կողմնակի և անծանոթ անձանց։
Տեղափոխել միայն այնպիսի համակարգչային և տեխնիկական միջոցներ, որոնք անհրաժեշտ են զբոսաշրջային երթուղու ընթացքում կամ զբոսնելիս։
Հետևել տվկալ երկրի իրավապահ մարմինների ծառայողների (ոստիկանություն, ԱԻՆ, ազգային անվտանգություն, այլ ռազմական կառույցներ) հրահանգներին։
Խուսափել հանրային վայրերում ալկոհոլի չարաշահումից։
Չօգտագործել արգելված միջոցներ (զենք, թմրամիջոցներ և այլն)։ Պահպանել տվյալ երկրի օրենքները, չխախտել հասարարական (օրինակ չաղմկել երեկոյան ժամերին) և վարչական կանոնները։
Պահպանել շրջակա միջավայրի մաքրությունը, հրդեհային անվտանգության կանոնները։ Աղբ թափել նախատեսված վայրերում, չվնասել բուսական և կենդանական աշխարհը։
Ցուցաբերել հարգանք և բարյացկամություն տեղի բնակչության կենցաղը և ապրելակերպի նկատմամբ։
Հարգել տեղական սովորույթներն ու ավանդույթները, չցուցաբերել ամբարտավանություն և արհամարհանք տեղական մշակույթի, պետական խորհրդանիշերի նկատմամբ, ինչպես նաև վիրավորական հայտարարություններ չանել ընդունող երկրի իշխանության կամ ղեկավարների նկատմամբ։
Խուսափել կրոնական և քաղաքական հարցերով վեճի բռնվել անծանոթ տեղացիների հետ։ Լքել այն վայրը, եթե մոտակայքում ինչ-որ մեկը սկսում է սադրիչ վարքագիծ դրսևորել կամ խուլիգանական գործողություններ կատարել։
Չմոտենալ հանրային վայրերում լքված պայուսակներին, տոպրակներին կամ այլ կասկածելի փաթեթներին։ Եթե տարածքում առկա են ոստիկաններ, տեղեկացնել նրանց։
+374 98 887 667
info@armenian.travel