«China International Import Expo» Շանհայում

2026թ․ նոյեմբերի 5-10-ը Չինաստանի Ժողովրդական Հանրապետության Շանհայ քաղաքում՝ National Exhibition and Convention Center (Shanghai) համալիրում, կկայանա «China International Import Expo» (CIIE) Չինաստանի 9-րդ միջազգային ներմուծման ցուցահանդեսը:

China International Import Expo-ն /CIIE/ Չինաստանի միջազգային ներմուծման խոշորագույն ցուցահանդեսներից է, որը անցկացվում է Շանհայում՝ National Exhibition and Convention Center-ում։ 2026 թվականի 9-րդ CIIE-ն նախատեսված է նոյեմբերի 5-10-ը։ Ցուցահանդեսի կազմակերպիչներն են Չինաստանի Առևտրի նախարարությունը և Շանհայի քաղաքային կառավարությունը, իսկ գործընկերների թվում են նաև միջազգային կառույցներ, այդ թվում՝ Առևտրի համաշխարհային կազմակերպությունը /WTO/, UNCTAD-ը, UNIDO-ն և այլ կառույցներ։

CIIE-ն համարվում է աշխարհում առաջին ազգային մակարդակի ցուցահանդեսը, որը կենտրոնացած է հենց ներմուծման վրա։ Դրա հիմնական նպատակն է տարբեր երկրների ընկերություններին հնարավորություն տալ ներկայացնելու իրենց ապրանքները, տեխնոլոգիաները և ծառայությունները Չինաստանի շուկայում, գտնելու գործընկերներ, գնորդներ և ներդրումային հնարավորություններ։

Ցուցահանդեսը հատկապես հետաքրքիր է այն ընկերությունների համար, որոնք ցանկանում են մտնել կամ ընդլայնվել չինական շուկայում։ CIIE-ի բիզնես ցուցահանդեսը բաժանված է հիմնական ուղղությունների՝ սննդամթերք և գյուղատնտեսական ապրանքներ, ավտոմոբիլային և smart mobility ոլորտ, խելացի արդյունաբերություն և տեղեկատվական տեխնոլոգիաներ, սպառողական ապրանքներ, բժշկական սարքավորումներ և առողջապահական ապրանքներ, ինչպես նաև ծառայությունների առևտուր։ Կա նաև նորարարական ինկուբացիոն հատուկ բաժին՝ սթարթափների և աճող ընկերությունների համար։

CIIE-ին կարող են մասնակցել արտասահմանյան ընկերություններ, միջազգային բրենդներ, Չինաստանում գործող օտարերկրյա կապիտալով ընկերություններ, ծառայությունների ներմուծմամբ զբաղվող խոշոր հարթակներ, ինչպես նաև այն կազմակերպությունները, որոնք ներկայացնում են արտասահմանյան ապրանքներ, տեխնոլոգիաներ կամ ծառայություններ։ Մասնակցությունը հնարավոր է ինչպես ցուցադրողի, այնպես էլ պրոֆեսիոնալ այցելուի կամ գնորդի կարգավիճակով։ Այցելուների համար գործում է նախնական գրանցման և հաստատման ընթացակարգ։

Մասնակցությունը CIIE-ին ընկերություններին տալիս է մի քանի կարևոր առավելություն։ Առաջինը՝ մուտք դեպի Չինաստանի մեծ սպառողական շուկա, որը համարվում է աշխարհի խոշորագույն և ամենաարագ զարգացող շուկաներից մեկը։ Երկրորդը՝ հնարավորություն ուղղակիորեն հանդիպելու չինացի և միջազգային գնորդների, դիստրիբյուտորների, ներդրողների և գործընկերների հետ։ Երրորդը՝ CIIE-ն ունի առցանց matchmaking հարթակ, որտեղ ներկայացվում են գնորդների պահանջները, և ցուցադրողները կարող են իրենց ապրանքներն ու ծառայությունները համապատասխանեցնել այդ պահանջներին։

Բացի ցուցադրությունից, CIIE-ի շրջանակում կազմակերպվում են բիզնես հանդիպումներ, ներդրումային քննարկումներ, արտադրանքի ներկայացումներ, roadshow-ներ, ֆինանսական ծառայություններ և համագործակցության ստորագրման միջոցառումներ։ Նախորդ տարիների matchmaking միջոցառումները սպասարկել են ավելի քան 30,000 ընկերության, իրականացրել են ավելի քան 10,000 առցանց և օֆլայն բիզնես հանդիպում և ձևավորել շուրջ 5,300 համագործակցության մտադրություն։

Հայաստանի ընկերությունների համար CIIE-ն կարող է լինել կարևոր հարթակ հատկապես այն ոլորտներում, որտեղ հայկական արտադրանքը կամ ծառայությունը կարող է հետաքրքրել Չինաստանի շուկային՝ սննդամթերք, գինի և ալկոհոլային խմիչքներ, գյուղատնտեսական ապրանքներ, զբոսաշրջություն, մշակութային և MICE ծառայություններ, տեխնոլոգիաներ, առողջապահական և նորարարական լուծումներ։ Ցուցահանդեսը կարող է օգնել ոչ միայն վաճառքի ուղիներ գտնել, այլև բարձրացնել բրենդի ճանաչելիությունը, ուսումնասիրել չինական շուկայի պահանջարկը և հաստատել երկարաժամկետ բիզնես կապեր։

Ցուցահանդեսի վերաբերյալ մանրամասներին կարելի է ծանոթանալ էքսպոյի պաշտոնական կայքում՝ https://www.ciie.org/zbh/en/։

Մասնակցության պայմաններին կարելի է ծանոթանալ հետևյալ ՀՀ Էկոնոմիկայի նախարարության  հղումով՝ https://mineconomy.am/media/37060/287-L_signed.pdf:

Մասնակցության հետ կապված ճանապարհածախսը, կեցության և այլ ուղեկցող ծախսերը կատարվում են մասնակիցների կողմից՝ համաձայն կազմակերպիչների կողմից սահմանված պայմանների։
Միջոցառմանը մասնակցել ցանկացող ընկերությունները կարող են գրանցվել մինչև ս.թ. հուլիսի 10-ը՝ ժամը 18:00-ն, հետևյալ հղումով

Մեր ընկերությունը կարող է կազմակերպել Ձեր բիզնես ճամփորդությունը դեպի Շանհայ՝ ապահովելով թռիչքները, հարմար լոկացիայում հյուրանոցը, տրանսֆերները, ցանկության դեպքում՝ նաև ուղեկցորդ կամ թարգմանիչ էսպոյում հանդիպումների համար։