+374 98 887 667
info@armenian.travel +374 98 887 667
info@armenian.travel
8 օր / 7 գիշեր
Հյուրանոց
Ավիատոմս
Նախաճաշ
Տրանսֆեր
Ամբողջ ծրագիրը հայախոս զբոսավարի ուղեկցությամբ:
Օր 1
Բարի գալուստ Միլան – Իտալական ոճի սիրտը
Ձեր իտալական ճամփորդությունը սկսվում է Միլանի Մալփենսա օդանավակայանից: Ժամանելուց հետո տեղափոխվում ենք հյուրանոց։ Վայելելու ենք ազատ ժամանակը՝ զբոսնելով Միլանի գեղեցիկ թաղամասերում: Բացահայտում ենք քաղաքի անզուգական ոճը, այցելում ենք նորաձևության բուտիկներ։
Օր 2
Միլան – Նորաձևության, արվեստի և պատմության Հանգույց
Առավոտը սկսում ենք Միլանի տաճարի (Duomo di Milano) այցելությամբ՝ իտալական գոթական ճարտարապետության գլուխգործոցով: Տաճարի տանիքից բացվում է քաղաքը տեսնելու անկրկնելի հնարավորություն:
Շարունակում ենք Վիտտորիո Էմանուել II պատկերասրահում (Galleria Vittorio Emanuele II), որը ոչ միայն առևտրի կենտրոն է, այլև ճարտարապետական արվեստի գլուխգործոց: Այնուհետև քայլում ենք դեպի Նորաձևության քառանկյունի (Fashion Quadrilateral)՝ Gucci, Prada և Versace-ի աշխարհահռչակ բրենդների ցուցափեղկերով:
Երեկոյան բացահայտում ենք Բրերա (Brera) թաղամասը, որը հայտնի է իր բոհեմական մթնոլորտով, նեղ փողոցներով, գողտրիկ բակերով և աշխույժ սրճարաններով:
Օր 3
Միլան – Պատմության և ժամանակակից ճարտարապետության Խաչմերուկում
Երրորդ օրը բացահայտում ենք Միլանի պատմական և նորարարական կողմերը: Սկսում ենք օրը Սֆորցա ամրոցից (Castello Sforzesco), որը միջնադարյան ամրոց է և նախկինում ծառայել է Միլանի դքսերի նստավայր: Այնուհետև զբոսնում ենք քաղաքի ամենագեղեցիկ կանաչ գոտիներից մեկում՝ Սեմպիոնե այգում (Parco Sempione):
Երեկոյան ծանոթանում ենք Միլանի ժամանակակից կողմին՝ այցելելով CityLife և Porta Nuova շրջանները, որտեղ շքեղ երկնաքերերը և նորարարական ճարտարապետությունը համադրվում են իտալական շքեղության հետ:
Օր 4
Թուրին – Արիստոկրատական էլեգանտություն և պատմություն
Օրը վայելելու ենք իտալական առաջին մայրաքաղաքում՝ Թուրինում (Turin), որը հայտնի է իր փառահեղ ճարտարապետությամբ և պատմական ժառանգությամբ:
Քայլելու ենք Պիացցա Կաստելլոյով (Piazza Castello), որտեղ գտնվում են Թուրինի թագավորական պալատը և Պալացցո Մադաման: Վայելելու ենք հիասքանչ տեսարանը քաղաքին վերևից՝ այցելելով Թուրինի բլուրները:
Այնուհետև կայցելենք Սուրբ Հովհաննես Մկրտչի տաճարը (Cathedral of Saint John the Baptist), որտեղ պահվում է աշխարհահռչակ Թուրինի Սուրբ պատանքը: Երեկոյան կզբոսնենք Պո գետի (Po River) ափով և կհամտեսենք Թուրինի հայտնի ջանդույոտո (gianduiotto) շոկոլադը:
Օր 5
Վերոնա – Ռոմեոյի և Ջուլիետի քաղաքը
Այստեղ դուք կբացահայտեք աշխարհի ամենառոմանտիկ քաղաքներից մեկը՝ Վերոնան (Verona):
Օրը սկսելու ենք Արենա դի Վերոնայում (Arena di Verona)՝ Իտալիայի ամենալավ պահպանված հռոմեական ամֆիթատրոնում, որն այսօր ընդունում է համաշխարհային դասի օպերային ներկայացումներ:
Այնուհետև կայցելենք Ջուլիետի տունը (Casa di Giulietta) և կհիանանք աշխարհահռչակ պատշգամբով, որտեղից, ըստ ավանդության, Ջուլիետը լսում էր Ռոմեոյի խոսքերը:
Շարունակելու ենք դեպի Պիացցա դելլե Էրբե (Piazza delle Erbe)՝ Վերոնայի աշխույժ կենտրոն, որտեղ կարելի է հանգստանալ սրճարաններից մեկում և վայելել Ապերոլ Սպրից (Aperol Spritz) ըմպելիքը:
Օր 6
Վենետիկ – Կրքերի և հեքիաթային կառույցների քաղաքը
Այսօր կուղևորվեք դեպի Վենետիկ (Venice)՝ քաղաք, որը բառացիորեն լողում է ջրի վրա:
Օրը սկսելու ենք Սուրբ Մարկոսի հրապարակում (Piazza San Marco), որտեղ կտեսնեք Սուրբ Մարկոսի տաճարը (St. Mark’s Basilica), Դոժերի պալատը (Doge’s Palace) և Զանգակատունը (Campanile), որտեղից բացվում է հրաշալի տեսարան:
Շարունակելու ենք զբոսանքն առասպելական ջրանցքներով, այցելեք Հառաչանքի կամուրջը (Bridge of Sighs) և վերջապես վայելելու ենք լեգենդար գոնդոլայով զբոսանքը՝ Վենետիկի ռոմանտիկ միջավայրը զգալու համար: Երեկոյան հիացեք Վենետիկի անզուգական մայրամուտով, երբ քաղաքի ջրերը ներկվում են ոսկեգույն և վարդագույն երանգներով:
Օր 7
Վենետիկ – Գաղտնիքներ ջրային հոսանքներում
Առավոտյան այցելելու ենք Վենետիկի խորհրդանիշներից մեկը՝ Ռիալտոյի կամուրջը (Rialto Bridge), որտեղից բացվում է քաղաքի գլխավոր ջրանցքի հիասքանչ տեսարանը:
Քայլելու ենք նեղլիկ փողոցներով, որտեղ կարող եք գտնել թաքնված գանձեր՝ ավանդական դիմակների արհեստանոցներ, փոքրիկ պատկերասրահներ և տեղական շուկաներ:
🔹 Լրացուցիչ տարբերակ՝ Մուրանո և Բուրանո կղզիներ
Եթե ցանկանում եք բացահայտել Վենետիկի շրջակայքի գանձերը, ընտրեք Մուրանո (Murano) և Բուրանո (Burano) կղզիների նավային շրջագայությունը:
Օր 8
Հրաժեշտ Վենետիկին
Վերջին օրը կվայելենք Վենետիկի թանկագին ժամերը նախքան օդանավակայան մեկնելը:
Այս ճամփորդությունը խոստանում է տպավորություններ՝ լի գեղեցիկով, պատմությամբ, մշակույթով և անմոռանալի պահերով:
Իտալիան սպասում է Ձեզ՝ Ciao Italia, sto arrivando!
